Ռազմավարական ուղղություններ
Եթե պլաններ ես կազմում մեկ տարվա համար, բրի՛նձ ցանիր, եթե պլաններ ես կազմում տասնամյակի համար, ծառե՛ր տնկիր,
իսկ եթե պլանավորում ես կյանքիդ ողջ ժամանակահատվածը, կրթի՛ր երեխաներին։
Չինական ասացվածք, 7-րդ դար
Կազմակերպության ռազմավարական հիմնական ուղղությունը կրթությունն է։ Մենք հավատում ենք, որ կրթությունը հիմնասյունն է համայնքի զարգացման, ուստի մեր ծրագրերի մեծ մասն ուղղված է կրթական հնարավորությունների ընդլայնմանը և հմտությունների զարգացմանը։ ՏԱԽ-ի միջոցով ֆինանսավորվող մի շարք դրամաշնորհային ծրագրեր իրականացվում են համայնքներում՝ հատկապես ուշադրություն դարձնելով երիտասարդների, կանանց, սկսնակ ձեռներեցների և համայնքային ակտիվիստների ներուժի զարգացմանը։ ՏԱԽ գործունեության արդյունքում շահառու գյուղերում ստեղծվել կամ ստեղծվում են ֆորմալ և ոչ ֆորմալ կրթական միջավայրեր, որոնք հնարավորություն են տալիս համայնքաբնակ երիտասարդներին ստանալ ցանակլի կրթությունը։
Արագած Հովիտ ՏԱԽ ռազմավարական մյուս կարևոր ուղղությունը գյուղատնտեսությունն է։
Արագած Հովիտ ՏԱԽ-ի գյուղատնտեսական գնահատումը ցույց է տալիս, որ ոլորտը բախվում է ինչպես ենթակառուցվածքային խնդիրների՝ ոռոգման ջրի սակավություն, հնացած տեխնիկա, այնպես էլ գիտելիքային բացերի՝ ցածր իրազեկվածություն և նոր տեխնոլոգիաների չկիրառում։ Կլիմայի փոփոխությամբ պայմանավորված չորային տարիները նվազեցնում են բերքատվությունը և սահմանափակում զարգացման հնարավորությունները։
Այս պայմաններում մեր հիմնական նպատակը գյուղատնտեսական եկամուտների աճն է՝ նորարար լուծումների, գործընկերության և տվյալահեն մոտեցման շնորհիվ։
